شوفتوا الانبا كاراس عمل ايه معجزه انقذت مستقبلي ومستقبل اسرتي

By avkaras
المعجزة الاولي 

date Mon, Aug 17, 2009 at 4:19 PM
انا لو هحكي علي اللي عملوا معايا الانبا كاراس مش هيكفني اي كتابه لاكن اقدر اقول علي اخر معجزتين حصلوا معايا 
اول معجزه كنت انا واسرتي بنزور دير الانبا شنوده رئيس المتوحدين وهناك في كنيسه للأنبا كاراس المهم وقفت انا واسرتي وصليت قدام صورته وقلتله انا بحبك اوي علشان كل اللي بتعمله معايا واخدت بركه من الصوره وطلعت بره الدير وقلت اخد صوره للدير من بره صورت الدير وبعد ماروحت لقيت صليب نور ظاهر جمب صليب الدير الصليب ده كبير مش صغير 
وكانت الصوره بالنهار يعني مش الفلاش وانا بعت ليكم الصوره علشان تمجدوا اسم الله ونشكر القديس العظيم الانبا كاراس
المعجزه الثانيه هي : انا بشتغل في شركة كيماويات وماسك مدير مبيعات والحقيقه انا كنت مهمل في فتره معينه في شغلي وكنت مبراجعش الشغل واقفل الجرد اي حاجه وخلاص وافاجئ بعد اكتر من 8 شهور عميل جه يبلغ رئيس مجلس الاداره انه واخد بضاعه بحوالي 40000 الف جنيه والفلوس مش متأيدين عليه يعني كان ممكن العميل يسكت وياخد المبلغ ده وميجبشي سيره طبعا انتوا عارفين انه موضوع زي ده علي الاقل فيها رفد وبالفعل استدعاني رئيس مجلس الاداره وقالي انا عايز ورقك علشان اراجعه وانا طبعا عارف ان الغلط عندي المهم رحت اطبعله الورق وانا عارف ايه اللي هيحصل وانا بطبع الورق صليت للأنبا كاراس وندرت ندر انا ينجيني وانا مش ههمل شغلي تاني وكتبت اسم الانبا كاراس بخط صغير علي كل ورقه وقدمت الورق وفضلت واقف مستني مصيري وبمراجعة ورقي مع ورق العميل وجد فعلا الاختلاف بس ناقص حاجه واحده ان ورق المصنع يبين مين الغلطان انا ولا العميل فطلب رئيس مجلس الاداره من مدير المصنع الورق ده فرد عليه وقالوا حاجه غريبه جدا ان الورق اتحرق بدون قصد ومفيش منه اي نسخ تانيه ولا متسجل علي الكمبيوتر فطبعا معرفش رئيس المجلس الغلط عند مين وقالي قيد المبلغ زي مابيقولك العميل وابدأ من جديد شوفتوا الانبا كاراس عمل ايه معجزه انقذت مستقبلي ومستقبل اسرتي
 
الصوره
http://farm3.static.flickr.com/2548/3832249751_b4c059306e.jpg

++++++++++++++++++++++++++++++++++++

المعجزة الثانية
date Sat, Aug 15, 2009 at 3:04 PM
انا اسمي ح . ز من اسيوط وامتحنت السنه دي 2009 ثانويه عامه سنه ثالثه وبعد لما امتحنت اكتشفت ان في مادتي الفيزياء والاحياء ان في حاجات كتيره في نموذج الفيزياء بالذات كانت مش زي اجاباتي وطبعا كنت خايفه جدا علشان انا جايبه 98 في ثانيه وكونت متأكده اني هانزل السنه دي وكمان فضلت ابكي كتير لكن في واحده اعرفها قالت لي اتشفعي بالانبا كاراس وانا عرفته من اول يوم في امتحاناتي والحمد لله ببركه الانبا كاراس والبابا كيرلس ربنا باركلي الورق بتاعي وسبب لي مصححين كويسين بيفهموا في الماده وجبت 98 زي السنه اللي فاتت رغم اني مكنتش متوقعاها ابدا بس ببركه الانبا كاراس 
وصلوا من اجلي

++++++++++++++++++++++++++++++++++++==
المعجزة الثالثة
date Sat, Aug 1, 2009 at 12:59 AM
انا طالب فى كلية الهندسة الفرقة الاعدادية و قبل امتحان الميكانيكا أدلعت و مزكرتش و لا فتحت كتاب و اتصلت بيا أختى و قلتلى فى قديس أسمو الانبا كاراس اتشفع بى و نا أول مرة أسمع الاسم روحت على الكمبيوتر و نزلت الفلم بتاعوا و قلت هتفرج علية بعد ما أرجع من الامتحان و بردوا مزكرتش و قاعت ادلع المهم
يوم الامتحان :
الامتحان بيبدء 10 يخلص 2 أول ما استلمت الورقة بصيت فى الاسئلة و لا سؤال عارف احلو لحد ما وصلت المرحلة ونا فى الامتحان أنى مش بقرء المسءلة و أشوف عيزة أية لا كنت وصلت لدرجة أنى مش بقرء المسأل من كتر الكسل مشيت من الامتحان ونا حالل أقل من 20% 
و غلط مكنتش حالل حاجة صح و كل ألى كتبتوا فى كراسة الاجابة 4 صفح مع العلم أن الامتحان 12 مسألة حليت 2 غالبا استاتيكا و وحدة ديناميكا و كان عليهم أقل الدرجات و كنت حللهم غلط انا خرجت من الاجنة 12 و زميلى بيبصولى على أساس أنى مقفل طبعا انا مش حالل اساسا 
كنت أول واحد يخرج من الكلية كلها روحت البيت و اتفرجت على فلم الانبا كاراس و أتشفعت بية 
كنت بصلى و اقول خلينى أشيل الميكانيكا بس ما تشيلنيش حاجة تانية لانى كنت واثق تمام الثقة أنى شيلها 
لان الدكترة مش هيدوا درجات من الهوة لأنى انا حتى مؤلفتش فى المسأل سيبهلهم فاضية 
حتى مكتبتش رقم السؤال لانى بتجهلة 
و النتيجة طلعت و جبت جيد جدا فى الميكانيكا 
انا مستهلش ده كلة لأنى مزكرتش ولا حتى جربت فى الامتحان اشغل مخى انا كنت بيعها 
بس انا قبل النتيجة بكام يوم روحت الكنيسة و حطط فلوس فى العطا وكانوا قليلين جدا فكه كدا كنو معايا 
و قلت بأسم الانبا كاراس فى سرى 
القديس ده عظيم أوى ونا أتعلمت كتييييييييييييييير أوى ان مهما تكون فى الخطية و مهما تكون وحش ربنا بيوقف جنبك المهم انك تتعلم 
شفعت القديس العظيم تكون معنا 
أمين


صوره لانبا كاراس كولتي عاليه جدا 
http://farm3.static.flickr.com/2438/3832261209_67c12aa0df.jpg