By avkaras
ذكصولوجية لانبا كاراس
تقال في 8 ابيب 15 يوليه
يسوع المسيح في وسطنا الان .مع مصاف الملائكة .
من اجل الناسك العظيم ابينا القديس ألانبا كاراس .
سيرة حياتك عجيبة وجهادك عظيـــــــــم
ومجدك مرتفع جـــــــــــــــــــــــــــــدا.
في وسط النــــــــــــــــــــــــساك )
طوباه الذي باع مايخصه في العالم
واشتري الجوهرة الحقيقية التي هي
الرب يسوع المسيـــــــــــــــــــــــــح
والرب عزاه وسعاده ليكمل جهاده الحسن
الانبا كاراس السائـــــــــــــــــــــــــــح
أقام في مغارة سنين عديدة .لم ير وجه انسان أبدا .
عاش محتاجا متعبا تائها .
اسم يسوع كان غلبته .
السلام للعظيم انبا كاراس مصباح السواح الذي صار
منارة ذهبية تضيء اكثر من الشمس .
ذاع اسمه في المسكونة كلها من أجل فضائله العالية وطهارته الملائكية.
فلنكرمه لان جهاده أرضي الله
واستحق أن ياتي له الرب يسوع طوبه .
السلام لك ايها السائح الذي استحق أن يسمع الصوت القائل
اتركوا هذا الجدي المختار ؟أن ياتي الي تعال في سلام
اطلب من الرب عنا ,ياابانا القديس الناسك أنبا كاراس
السائح ليغفر لنا خطايانا
By avkaras
وصلني ميل من الاخ المبارك مكرم حدثت معه معجزة
من قديسنا العظيم الانبا كاراس السائح صديق الملائكة
نص الرساله
الانبا كاراس عمل معى معجزه انجب ابنى كاراس بعد اربع سنوات
من العذاب والالم
تزوجت 6/5/2001 ومرت اربع سنوات لم يحدث حمل سوي مرتين
وكان لايستمر اكثر من اربعين يوم كانت حالة زوجتى النفسية سيئة
جدا خصوصا ان كل من تزوج معنا في نفس الفترة انجبوا وكلهم اصدقائنا المهم تحولت حياتنا الى جحيم مع ان ربنا كل شهر يبعتلنا تعزية ككلمة من راهب او صورة لقديس وكان كل شهر نتشفع بقديس ولكن لاجدوي وكانت حماتى دائمة الصلاة لاجلنا وكانت تتشفع بام النور دائما حتى انه رات صورتهاتبتسم وكأنا تقول حاضر وهذا قبل الحمل بشهرين
ثم جاءت معجزه الانبا كاراس حيث يوجد لدينا كاهن يحب الانبا كاراس جدا وعمل معه معجزة ودائما يذكره في المجمع فسألني ايه الاخبار قلتله لسه قال اتشفع بالانبا كاراس و هايحصل قلتله اي حاجة ياابونا وكان معاه صوره صغيرة له ادهاني اخذت الصورة ودخلت الشقة ومش فى دماغى فشميت ريحة بخور جامدة فقلت لمراتى انت مولعة بخور قالت لا فتذكرت الانبا كاراس انه دخل شقتنا وفى نفس الشهر جاء كاراس
وسنه الان سنتان
---------------------------------------------------
الانبا كاراس ياجماعة قديس عظيم جدا مفيش اي حد يلجأ ليه ويكون محتاج لي شياء الا و يلبيله كل طلباته
الانباكاراس ياجماعة بيعمل معايا كل يوم معجزة
انا اعرف الانبا كاراس من تسع سنوات
تخيلوا انتم كم عدد المعجزات اللي عملها معايا انا بس
----------------------------------------------------------
عيد نياحة الانبا كاراس ده اجمل يوم بيعدي عليا في السنة كلها
اولا علشان اي حاجة بطلبه من الانبا كاراس بيجيب طلبتي
واي حد ممكن يجرب اطلب اي طلب من الانبا كاراس في يوم عيد نياحته
يوم 15/7 من كل سنة موافق 8 ابيب
By avkaras
نص الرسالة
لقد ارتكبت خطأً فادحاً بقيامك برفع الفيلم على هذا الموقع ... كيف سمح لك ضميرك بالقيام بمثل هذا الفعل ... وانت تعلم تمام العلم ان القيام بنسخ الافلام الدينية هو محرم من قبل سيدنا المعظم البابا شنودة الثالث
اسمحلي انا معترض معاك في موضوع خطأ فادحأ ده علشان انا معملتش حاجة تغضب ربنا او تبعد عن تعليم رب المجد يسوع المسيح
انا رفعت قصة حياة قديس عظيم انا كان كل املي اني اعرف عنة كل حاجة
عارف ياخي العزيز الخطأ الفادح هو اني ارفع حاجة تبعد الناس عن حياة ربنا
ياريت تفكر في الجملة اللي قالها البابا شنوده متعملش زي السبتين اللي بياخد اول كلمة وخالص
فكر في الموضوع
البابا شنوده حرم النسخ صح
طيب هو انا نسخت اي فليم لاقة انا منسخت اي حاجة
النسخ ياخي يعني انك تنسخ الفليم علي السي دي
وتبيعة يعني بتاخد حق غير حققك يعني بتسرق
لكن انا ياخي رافع الفليم ده لغرض واحد هو ان الناس تعرف قصة حياة الانبا كاراس
هل تعلم مدى التكلفة التي تكلفتها الكنيسة لأنتاج مثل هذا الفيلم ... لاأعلم كيف اتت لك الجرأة انت تقوم بذلك على الرغم من التحريم واضح على علبة الفيلم من الخارج
نعم ياخي اعلم مد تكلفةهذا الفليم ياخي التحريم علشان نسخ السي دي وبيعة انا مش بعمل كده خالص ياجميل علشان خاطري ربنا فرق ان مش بنسخ اسطونات او باخد اي اجر مادي انا بعمل ده خدمة لبويا كاراس
من فضلك .... علشان خاطر الانبا كاراس ... كنيسة السيدة العذراء والملاك ميخائيل وابوسيفين والانبا كاراس ..... تطلب منك بصفة رسميةإذالة الفيلم من على الشبكة .. وعلى ابن الطاعة تحل البركة ...لأ أعتقد أن الانبا كاراس يرضى بذلك
اولا انا مش هشيل الفليم من علي الانتر نت
ثانيا هو انت باي صفة رسمية هو صفة حضرتك الرسمية ايه في الكنيسة
بص بقة ياجميل
انا هشرحك الموقف بص ياجميل بواقع خبراتي في النت واافلام المسحية
في نوعين من الاشخاص
النوع الاول 10% مستحيل يتفرج علي فليم الا لما تكون النسخة الاصلي
يعني لازم يروح يشتري السي دي الاصلي علشان قدر يتفرج علي الفليم
وده تقريبا بيكون في وسط غني
النوع الثاني 90%د ده بقة الاكثر ده بقة النوع مستحيل يشتري افلام
وده تقريبا الوسط الفقير بس انا برفع الافلام لنوع الثاني
علي فكرة انا باخد اذن الانبا كاراس في اي حاجة تخص السيت وهو قالي ارفع افليم في التوقيت ده
علي فكرة انا الفليم كان عندي النسخة الاصلي تاني يوم العرض الخاص لفليم
بس انا رفعته بعدها باكثر من شهر وبعد اذن الانبا كاراس
By avkaras
كل سنة وموقع الانبا كاراس السائح طيب بمرور سنة علي انشاء الموقع
كل سنة وانت طيب يانبا كاراس
الانبا كاراس السائح ياخواتي ده قديس عظيم
اختار يعيش في مخاف الله
مين فين دلوقتي بيختار العيشة في مخاف الله
كلة بيبعد عن ربنا ويقول ضغوط الحياة والمشغولات
ونبعد ونبعد .ياجماعة لازم ناخد القدسين دول قدوه وحياتهم قانون
الامير كاراس اخوي المللك يترك كله هذا في سبيل الحب الالهي
آه ..........
منك ايها الحبيب
لقد سلبت منهم كل شي
اخواني واخواتي في المسيح عيد نياحه الابنا كاراس السائح
يوم 8 ابيب الموافق 15/7 من كل سنة
اي حد محتاج اي طلبة من الانبا كاراس يطلبها بايمان في اليوم ده ربنا بيستجيب لية
انا حصلت معايا معجزة يوم 15/7/2007
اللي حصل كالتي كان ليا صديق اخوه كان عقدة حياتة اللغة الانجليزية هو كان في ثالثة ثانوي بيدرس في مصر طبعا الثانوية في مصر دي الضغط العصبي والنفسي فيها بيكون صعب المهم اخوي صاحبي كان شايل مادة اللغة الانجليزية بتاعت سنة تانية ثانوي (يعني امتحانها في التخلفات _الملحق_)وبرده لم نجح فيها .انا كنت عندهم يوم نتيجت الثانوية العامة انا قولت لوالدته كانت خايفة يشيل الانجليزي تاني بتاع سنة تانية وتلاتة
انا قولتها النهارده عيد الانبا كاراس السائح اطلبي منه اي حاجة وصدقني هيلبيك طلبك اصل اليوم ده عيد نياحته
وفعلان بشافعة الانبا كاراس السائح بليل ظهرت النتيجة ونجح اخوي صاحبي في السنتين ودخل كلية حقوق بشفاعه الانبا كاراس السائح
أخي الحبيب .... هل حقا أنت من عشاق الأنبا كاراس ... انا أسف لهذا انا لا اعتقد .... لقد ارتكبت خطأً فادحاً بقيامك برفع الفيلم على هذا الموقع ... كيف سمح لك ضميرك بالقيام بمثل هذا الفعل ... وانت تعلم تمام العلم ان القيام بنسخ الافلام الدينية هو محرم من قبل سيدنا المعظم البابا شنودة الثالث .. هل تعلم مدى التكلفة التي تكلفتها الكنيسة لأنتاج مثل هذا الفيلم ... لاأعلم كيف اتت لك الجرأة انت تقوم بذلك على الرغم من التحريم واضح على علبة الفيلم من الخارج .... من فضلك .... علشان خاطر الانبا كاراس ... كنيسة السيدة العذراء والملاك ميخائيل وابوسيفين والانبا كاراس ..... تطلب منك بصفة رسميةإذالة الفيلم من على الشبكة .. وعلى ابن الطاعة تحل البركة ...لأ أعتقد أن الانبا كاراس يرضى بذلك ...
May 29, 2008 5:55 PM