By avkaras
معجزة لانبا كاراس السائح " عظيم هو عمل الرب مع قديسيه "
date mail Fri, Jul 17, 2009 at 4:19 PM
اسيوط - 15/7/2009
انا اسمي مينا في كلية هندسة أسيوط قسم مدني في سنه أولي ،،،،أنا في السنه دي وقبل النتيجة كنت خايف جدا من النتيجة وعمال احسبها مع نفسي وعمال اجيبها يمين وشمال مش نافعه بقول لو اتسترت في الماده دي هاشيل السنه علي الماده دي ( اصل انا كان في مادتين مش مهتم بيهم وكنت شايلهم كده كده فلو ماده تانيه يبأ خلاص ) فمش نافعه خالص وحتي جه الوقت اللي كنت بقول فيه ان سنه 2009 دي اوحش سنه مرت عليا في حياتي من حيث الحياه الدراسيه وكل حاجه المهم جه يوم 15/7 في الفجر وكنت صاحي عادي زي أي يوم وكنت بتفرج علي قناة CTV واول ما جبت القناه كان هناك فيلم الانبا كاراس شغال وكان في اخره في اللحظه اللي كان المسيح بيكلم فيها الانبا كاراس ،،فبعد ما سمعتها روحت صليت لربنا واتشفعت بالانبا كاراس وبعدين روحت علشان انزل الفلم بتاعه من علي النت واسمع قصة حياته ونزلتها وعرفت ان يوم 8 ابيب(15/7/2009) هو عيد نياحته وده من كان حسن الحظ علشان النتيجه كنت حاجبها في نفس اليوم ده فكل الكلام ده زود من شدة صلاتي لربنا والانبا كاراس وطلبت منه ان يطمني علي النتيجه وبالذات بعد ما قريت معجزات ليه في نفس اليوم مع الطلبه او معجزات شفاء المرضي وندرت للانبا كاراس وفعلا جبت النتيجه والحمدلله نجحت والمواد اللي كنت خايف منها جبت فيها جيد ومقبول فشكرت ربنا والانبا كاراس وقولت لازم ابعت المعجزه دي علشان دي معجزه وانا متأكد ان ربنا وقف معايا بالذات وقت ظهور النتيجه وعلشان الناس تتعرف علي معجزات الانبا كاراس وتتشقع بيه .
" عظيم هو عمل الرب مع قديسيه "
By avkaras
تأمل في كلمات رب المجد يسوع المسيح لانبا كاراس السائح
أما انت يا حبيبى كاراس:فكل انسان يعرف سيرتك ويذكر اسمك على الارض فيكون معه سلامى واحسبه مع مجمع الشهداء والقديسين.و كل انسان يقدم خمرا او قربانا او بخورا او زيتا او شمعا تذكار لاسمك انا اعوضه اضعافا فى ملكوت السموات .و من يشبع جائعا او يسقى عطشانا او يكسى عريانا او يأوى غريبا بأسمك انا اعوضه اضعاف فى ملكوتى .و من يكتب سيرتك المقدسة اكتب اسمه فى سفر الحياة.ومن يعمل رحمة لتذكارك أعطيه ما لم تراه عين وما لم تسمع به اذن وما لم يخطر على قلب بشر
ياريت تقرا كلمات رب المجد وتتأمل فيها
ايه رايكم في عمل يوم محبة تذكارا لانبا كاراس كل واحد مننا يقدر يعمل حاجة من اللي قالها رب المجد الانبا كاراس يعملها
مثال :ومن يشبع جائعا او يكسي عريان
ا من فينا في كنيسته مفيهاش محتاجين لأكل او لكساء يابخته اللي يقدم الحاجات دي باسم الانبا كاراس يوم نياحته يابخته اللي هيعمل كده
وعد المسيح ليه :انا اعوضه اضعاف فى ملكوتى
كل واحد مننا ياخد حاجة من اللي قالها السيد المسيح له المجد لانبا كاراس ويحاول يعمالها
ممكن واحد يكون معهوش فلوس او مش هيقدر يجيب حاجة من الحاجات دي
مثال :و من يكتب سيرتك المقدسة ا
الحل هو ده انسخ سيرة الانبا كاراس علي ايدي بخط اليد 2 او 3 نسخ واديهم لحد ميعرفش سيرة الانبا كاراس السائح
ويابختك بوعد المسيح:اكتب اسمه فى سفر الحياة
ممكن واحد مش معاه فلوس ومش معاه وقت يكتب
.مثال :فكل انسان يعرف سيرتك ويذكر اسمك على الارض فيكون معه سلامى واحسبه مع مجمع الشهداء والقديسين.
يعني اعرف سيرة الانبا كاراس واقولها لاصحابي واو اخوتي في البيت او اخوتي في الكنيسة في ناس كتير متعرفش سيرة الانبا كاراس
يابختك لو عرفه الانبا كاراس عن طريقك
--------------------------------------------------------------
عيد نياحة الانبا كاراس ده يوم بجد جميل جدا ومفيش حد بيطلب من رب المجد يسوع المسيح طالب بشفاعة القديس العظيم الانبا كاراس
الا وربنا يجيب طالبه
وياريت لو حد عنده اي فكرة نشارك فيها يبعت علي الميل بتاع الانبا كاراس
avakaras@gmail.com
--------------------------------------------------------------
معني اسم كاراس : سيد أو سلطان وهو اسم فارسي أو عيلامي .
karas ينطق بالعربية: كـــــــــــــــــــــاراس
وينطــــــــــق بالقبطية :Kapoc كاروس
وينطق بالعبيرية : Koresh كورش
وينطق باليونانيـــــة :ςΚυρο كيروس
وينطق بالفارسية :Kursh كوروش
وينطق بالانجليزية :Cyrus سيروس
وينطق بالبابلية :Kurash كوراش
By avkaras
بسم الاب والابن والروح القدس اله واحد امين
اولا احب انا اتوجه بالاسف الي الاخت ماري علشان التاخير في نشر المعجزتين بس انا لسة واخد بالي منها النهارده وربنا يبارك حياتك بشفاعة الانبا كاراس
ثانيا ياريت ياجماعة اي حد يحصل معاه معجزة باسم وشفاعة الانبا كاراس يبعت بيها ميل علي
avakaras@gmail.com
علشان ابعتها للناس وناخد منها بركة
Mary Naguib at 10:49am April 1
الانبا كاراس عمل معى معجزات تانى يوم ناديتة بجد كنت مختاجة فلوس و صليت بالليل عشان يفرجها من عندة بعد ما قرات معجزة لة و حسيت بارتياح شديد و كل شوية اقول لماما ما تقلقيش الانبا كاراس هيفرجها تانى يوم اتصلت بيا المديرة و قالت انى ربحت الموظف المثالى و لى جائزة مالية و المجد للة , اتصلت بماما و قولتلها مش انا قلتلك ما تقلقيش و لسة انا متاكدة انة هيكمل عملة معايا , بركة شفاعتة و صلاتة تكون معانا جميعا
-------------------------------
Mary Naguib May 20 at 9:42am
i want to say that Ava karas was support me last few months as i made a mistake in my work and was going to pay $400 but i ask him to stand beside me and it was a bad time for me to make this money but by his prayer to god for me My Account manager talked with me and told me that to not paying this money , so thank you ava karas so so so much
كلمات رب المجد الي الانبا كاراس
أما انت يا حبيبى كاراس:فكل انسان يعرف سيرتك ويذكر اسمك على الارض فيكون معه سلامى واحسبه مع مجمع الشهداء والقديسين.و كل انسان يقدم خمرا او قربانا او بخورا او زيتا او شمعا تذكار لاسمك انا اعوضه اضعافا فى ملكوت السموات .و من يشبع جائعا او يسقى عطشانا او يكسى عريانا او يأوى غريبا بأسمك انا اعوضه اضعاف فى ملكوتى .و من يكتب سيرتك المقدسة اكتب اسمه فى سفر الحياة.ومن يعمل رحمة لتذكارك أعطيه ما لم تراه عين وما لم تسمع به اذن وما لم يخطر على قلب بش
